人生...

「心情写照」：
呢幾日都睇紧「拳王」，呢出戏俾人好大嘅领悟，呢出戏就好似我地身边每日都发生紧嘅事。人生，真係好似一场戏。做人一定要有目标同埋理想，朝著目标向前行，坚持唔放弃，一定会成功!人，决定要做嘅嘢就一定要尽力去完成。唔好半途而废，得过且过，左闪右避，亦唔好贪得无厌，因为「贪」字永远得個「贫」。做人一定要对得住自己嘅良心，唔好做D违背良心嘅事，因为你做错嘅事一定会得到应有嘅报应同懲罰。人，要懂得珍惜身边嘅至亲至爱，因为你永远唔知道下一秒会发生么嘢事，失去咗错过咗就永远无得再返转头，后悔都嚟唔切。
係我生命入面发生过很多事。令我最唔开心嘅就係我老豆亲手破坏咗我地個家，同埋最錫我嘅外婆离开咗我地。係呢两件事入面我睇到嘅係背叛同不孝。
「背叛」，係指我老豆忘记咗当初对婚姻嘅承诺以及对我妈同埋呢個家嘅责任。忘恩负义，不懂得饮水思源，死猛觉得全世界欠咗佢，应份帮佢，从来冇反省过冇检讨过自己嘅错，反而一而再再而三咁将责任推係人地身上，令我彻彻底底失望!
不孝，係指我妈嘅好大佬，从来冇尽过做仔嘅责任！百行以孝为先，但係佢却冇尽过做仔嘅责任，反而贪得无厌!到人死咗先至来扮孝子!我姨话佢将我外婆嘅墓地风水同神主牌整都几靓。人在生又唔见佢尽好做仔嘅责任?等人死咗整咁靓俾鬼睇咩!我姨话做人唔好咁计较，过咗就算。呢D唔係计较，係佢点对人，就会受返D么嘢对待，呢個叫循环!由外婆离开個日起，就永远同呢個人断绝关系!我一世都唔会原谅佢!